8 декабрь, Кесе йома

13 февраль 2010 йыл, 11:53

Мәсетлеләр ышаныс почтаһы менән ҡуллана ала

автор: Марина Шумилова

Йәмәғәтселек фекерен өйрәнеү, урындағы үҙидара органдары, предприятие, ойошма, учреждение эшмәкәрлеген баһалау, Мәсетле районы халҡын борсоған мәсьәләләр менән хәбәрҙар булыу өсөн район хакимиәте фойеһында “Ышаныс почтаһы” урынлаштырылған, тип хәбәр итә хакимиәт.  

«Ышаныс почтаһы» йәшнигенә теләге булған һәр граждан мөрәжәғәтен төшөрә ала. Бар хаттар һәм мөрәжәғәттәр почтанан көн һайын алынып, танышыу һәм саралар күреү өсөн тәғәйен кешеһенә йүнәлтеләсәк.

Һорауҙарына яуаптарҙы граждандар хат йәки телефон аша алыу мөмкинлегенә эйә. Күп кешегә ҡағылған һорауҙарға яуаптар район гәзитендә баҫыласаҡ йәки район телевидениеһы тапшырыуҙарында яңғыраясаҡ.