7 декабрь, Шаршамбы

11 февраль 2010 йыл, 13:17

Башҡортостанда «Профсойошма дисконт картаһы» проекты старт алды

автор: Евгений Рәхимҡолов

Беҙҙең республикала «Профойошма дисконт картаһы» проекты старт алды. «Башинформ» агентлығына БР Профойошмалар федерацияһының матбуғат үҙәгенән хәбәр итеүҙәренсә, хәҙер бындай картаға эйә профойошма ағзалары был проектта ҡатнашыусы компанияларҙың тауарҙары һәм хеҙмәттәрен ташламалар менән  ҡуллана ала.

Бындай ташламалар менән ҡулланып булған тауар һәм хеҙмәттәр исемлегенә аҙыҡ-түлек продукттары, автозаправкалау станцияһында яғыулыҡ һалыу, бөҙрәхана һәм туристик фирмалар хеҙмәте һәм башҡалар инә. Хәҙерге ваҡытта БР Профойошмалар федерацияһы партнерҙары, проектта ҡатнашыусылар,  иҫәбендә ун бишләп компания бар. Әммә киләсәктә уларҙың һаны мотлаҡ артасаҡ, тимәк, ташламалар менән ҡулланып булған хеҙмәттәр һаны ла күбәйәсәк.  

«Профойошма дисконт карта»һын профойошма ағзалары предприятие һәм ойошма профкомдарында ала ала.

темалар: профсоюз