6 декабрь, Шишәмбе

11 февраль 2010 йыл, 10:14

Вячеслав Быков ҡайтанан һөжүмгә бара

автор: Дмитрий Слезин

"Вячеслав Быков. В атаку!" Рәсәй йыйылма командаһы һәм "Салауат Юлаев" хоккей клубы баш тренеры тураһындағы фильм шулай атала. Был турала Өфө клубының рәсми сайты хәбәр итә.

Былтыр йылдың икенсе яртыһында башланған фильмды төшөрөү төрлө ҡалаларҙа һәм илдәрҙә — Өфөлә, Силәбелә, Мәскәүҙә һәм Швейцарияла үтте.

Документаль таҫмала Вячеслав Быков тренер һәм спортсы булараҡ ҡына асылмай. Фильм авторҙары үҙ геройын шәхес булараҡ: кеше, ир, атай итеп күрһәтеү өсөн барыһын да эшләгән.

«Вячеслав Быков. В атаку!» фильмын “Беренсе канал” эфирында йәкшәмбе, 14 февралдә, Өфө ваҡыты менән 12 сәғәт 10 минутта ҡарарға мөмкин буласаҡ.