10 декабрь, Шәмбе

08 февраль 2010 йыл, 14:46

Татарстан мосолмандарының IV съезына делегацияны Тәлғәт Тажетдин етәкләй

автор: "Башинформ"

Рәсәй мосолмандары Үҙәк диниә назараты Татарстан мосолмандарының IV съезында ҡатнашыуға үҙенең делегацияһын әҙерләне.  Islamrt.ru сайтына һылтанма яһап, "Татар-информ" агентлығы хәбәр итеүенсә, делегацияны РФ мосолмандары Үҙәк диниә назараты рәйесе, Юғары мөфти Тәлғәт Тажетдин етәкләй. Делегация ағзалары булып билдәләнгән: Сыуаш Республикаһы мөфтийе Әлбир Крганов, Ханты-Манси автономиялы округы-Югра мөфтийе Таһир Саматов, Рәсәйҙең Төньяҡ-Көнбайыш төбәк мөфтийе Джафар Пончаев, Силәбе һәм Ҡурған өлкәләре мөфтийе Ринат Раев һәм Һамар өлкәһе мөфтийе Вәғиз Яруллин.

Татарстан мосолмандарының IV съезы Ҡазанда 27 февралдә үтә. Съезд эшендә республиканың төрлө райондарынан 528 имам, РТ Диниә назараты Президиумы ағзалары һәм Рәсәй төбәктәренән 40 мөфти ҡатнашасаҡ тип көтөлә.

темалар: дин