4 декабрь, Йәкшәмбе

08 февраль 2010 йыл, 13:14

Максим Чудов чемпионатҡа ҡунаҡ сифатында килә

автор: Лилия Тыртышная

Өфө 1 марттан 5-енә тиклем Биатлон буйынса Рәсәй федераль именлек хеҙмәте чемпионатын ҡабул итә.  Ярыштар "Биатлон" спорт-һауыҡтырыу комплексында үтә һәм унда Рәсәйҙең ете федераль округы йыйылма командалары ҡатнаша.  Башҡортостан спортсыларына Кировта үтәсәк һайлау һыҙығын үтәһе лә бар әле. Бында төбәк ярыштары үткәрелеп, Башҡортостандың баш ҡалаһына юлланасаҡ йыйылма команда составы асыҡланасаҡ.

"Башинформ" агентлығына БР "Динамо" физкультура-спорт йәмғиәтенән хәбәр итеүҙәренсә, Өфө биатлон үҙәгенең алты тәрбиәләнеүсе төбәк йыйылма командаһына инергә иҫәп тота. Өфөлә үтәсәк чемпионатта Федераль именлек хеҙмәте офицеры Максим Чудов ҡатнашмаясаҡ, сөнки Ванкуверҙағы олимпиаданан ул 1 мартта ғына ҡайтасаҡ. Уны “Биатлон” комплексына абруйлы ҡунаҡ булараҡ саҡырырға ниәтләйҙәр.  

темалар: биатлон