Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.02 ↓

EUR 61.96 ↓

28 март, Шишәмбе

Уфа   °

Торлаҡты хосусилаштырыу 2013 йылдың 1 мартына тиклем оҙайтылды

Иҡтисад

Рәсәй Президенты Дмитрий Медведев «Рәсәй Федерацияһының Торлаҡ кодексын ғәмәлгә индереү тураһында» Федераль законға үҙгәрештәр индереү тураһында»ғы Федераль законға ҡул ҡуйҙы. Үҙгәрештәргә ярашлы, торлаҡты хосусилаштырыу срогы 2013 йылдың 1 мартына тиклем оҙайтылды. Элекке нормаға ярашлы бушлай хосусилаштырыу 2010 йылдың 1 мартында тамамланырға тейеш ине.

Үҙгәрештәргә ярашлы, Рәсәй граждандары 2013 йылдың 1 мартына тиклем үҙ торлағын хосусилаштыра йәки хосусилаштырыуын киренән бөтөрә (приватизация һәм деприватизация) ала. Билдәле булыуынса, торлаҡты хосусилаштырыу — ул граждандарҙың дәүләт һәм муниципаль торлаҡ фондында биләгән торлаҡ бинаһын ирекле нигеҙҙә Рәсәй Федерацияһы граждандары милкенә бушлай тапшырыу. Ә деприватизация – ул кире процесс, йәғни граждандың милкендә булған торлаҡты дәүләт йәки муниципаль органдарға тапшырыу.

Билдәле булыуынса, Рәсәйҙә бушлай хосусилаштырыу 1992 йылдан ғәмәлдә һәм 18 йыл эсендә уның сроктары ике тапҡыр оҙайтылды: тәүгеһендә — 2007 йылдың 1 ғинуарына тиклем, икенсеһендә — 2010 йылдың 1 мартына тиклем.

Хосусилаштырыу срогын оҙайтыу сәбәбе шуға ҡайтып ҡала: әлегә теләүселәрҙең барыһы ла, беренсе сиратта, Бөйөк Ватан һуғышы ветерандары, хәрби хеҙмәткәрҙәр хосусилаштырыу хоҡуғы менән файҙаланмаған һәм үҙ торлағының хужаһы була алмаған әле. Хосусилаштырыу срогын 2013 йылдың 1 мартына тиклем оҙайтыу теләгән граждандарҙың барыһына ла торлағын бушлай үҙ милкенә әйләндереү хоҡуғын бойомға ашырырға булышлыҡ итәсәк.

Яндекс цитирования
Рейтинг ресурсов "УралWeb" -->
закрыть