4 декабрь, Йәкшәмбе

02 февраль 2010 йыл, 12:31

«Салауат Юлаев» Омскиҙа «Авангард»ты еңде – 3:1

автор: Дмитрий Слезин

«Салауат Юлаев» ҡунаҡта Омскиҙа урындағы “Авангард”ҡа ҡаршы Континенталь хоккей лигаһы чемпионатының сираттағы матчын үткәрҙе.  Өфөлөләр был миҙгелдәге дүрт матчтың өсөнсөһөндә Омск командаһын еңде — 3:1.

Беренсе осорҙа мәрәйҙәргә иҫәпте Андрей Таратухин асты – 1:0.

Икенсе осор башында Константин Кольцовтың тырышлыҡтары икенсе шайба менән бүләкләнде – 2:0.

Руслан Нуретдинов матчтың һуңғы осороноң 13-сө минутында ҡапҡаның арҡыры тимере аҫтына ҡыҫынҡы мөйөштән мәргән ырғытыуы арҡаһында иҫәп йәнә артты — 3:0.

Ниһайәт, финал сиренаһына һанаулы минуттар ҡалғас, хужалар Виталий Колесникты “сохариһыҙ” ҡалдырҙы – 1:3.

50 уйында 111 мәрәй алып, Чернышев Дивизионында «Салауат Юлаев» беренсе урында килә.

Киләһе уйынды “Салауат Юлаев” 3 февралдә Тольяттила «Лада»ға ҡаршы үткәрәсәк.

темалар: хоккей,КХЛ