8 декабрь, Кесе йома

01 февраль 2010 йыл, 14:11

Мортаза Рәхимов Патриарх Кирилды ҡотланы

автор: "Башинформ"

Башҡортостан Республикаһы Президенты Мортаза Рәхимов Мәскәү һәм бөтә Русь Патриархы Кирилға телеграмма ебәрҙе. Телеграммала шулай тиелә:

"Башҡортостандың күп милләтле халҡы исеменән Һеҙҙе бөтә рәсәйлеләр өсөн мөһим ваҡиға – Патриарх тәхетенә күтәрелеүегеҙгә бер йыл тулыу уңайы менән ихлас ҡотлайым!

Был ябай булмаған йыл Һеҙҙең Рус Православие сиркәүен артабан туплау, йәмғиәтте әхлаҡи-рухи тергеҙеү, илдә һәм уның төбәктәрендә милләт-ара һәм конфессия-ара татыулыҡты нығытыу буйынса фиҙакәр эшмәкәрлегегеҙ менән билдәләнде.

Һеҙгә ныҡлы һаулыҡ, именлек һәм бәхет, тыуған Ватаныбыҙ хаҡына изге эштәрегеҙҙә яңы ҡаҙаныштар теләйем!

Ихтирам менән, Башҡортостан Республикаһы Президенты М.Рәхимов".