6 декабрь, Шишәмбе

29 ғинуар 2010 йыл, 12:03

Мортаза Рәхимов Әлшәй районында эш сәфәрендә

автор: Евгений Рәхимҡолов | фото: Раиф Бадыков

Башҡортостан Республикаһы Президенты Мортаза Рәхимов эш сәфәре менән Әлшәй районына юлланды. Президент Раевка ауылында 148-се Юл-машина станцияһының рельс-шпал рәшәткәһе сығарыу буйынса цехын асыуҙа ҡатнашасаҡ.

Башта ул Раевка ауылында Куйбышев тимер юлының Башҡортостан бүлексәһе хеҙмәткәрҙәре өсөн төҙөлгән торлаҡ йортто ҡараны. Ике ҡатлы кирбес йорт Киров урамында урынлашҡан. Дөйөм майҙаны – 301 квадрат метр, ә йорт эргәһендәге төҙөкләндерелгән ер участкаһын иҫәпкә алғанда 2775 квадрат метр майҙанды биләй. Әлеге ваҡытта йорттоң дүрт фатирының өсөһөнә кешеләр күсенгән дә инде.

Йорт эргәһендәге территорияны төҙөкләндереү дауам иттерелә. Генераль планда – Раевкала тағы ошондай дүрт йорт һалыу, уларҙың икәүһе ошо араларҙа уҡ төҙөлә башлаясаҡ.