8 декабрь, Кесе йома

27 ғинуар 2010 йыл, 11:57

Электр транспортын үҫтереүҙә яңы технологияларҙы тикшерәсәктәр

автор: Любовь Колоколова

3-4 февралдә Өфөлә «Электр транспортын үҫтереүҙә яңы технологиялар: реалийҙар һәм перспективалар» фәнни-техник конференцияһы үткәрелә. Сараны ойоштороусылар – Халыҡ-ара ҡала электр транспорты предприятиелары ассоциацияһы, «Ҡала электр транспорты» эш биреүселәрҙең йәмәғәт тармаҡ берекмәһе һәм «Башҡортостан троллейбус заводы» асыҡ акционерҙар йәмғиәте.

БР Сәнәғәт һәм тышҡы иҡтисади бәйләнештәр министрлығынан хәбәр итеүҙәренсә, конференцияны үткәреү Башҡортостан троллейбус заводының 30 йыллығын байрам итеүгә тура килтерелә. Программала — докладтар һәм ҡатнашыусыларҙың сығыштары, «Башҡортостан троллейбус заводы»на һәм Өфө электр транспорты муниципаль идаралығына танышыу экскурсиялары.