11 декабрь, Йәкшәмбе

26 ғинуар 2010 йыл, 15:07

Педагог Нина Чернова Бөтә Рәсәй конкурсында еңеүгә өлгәште

автор: Эльмира Сабирова

Өфөнөң Калинин районы “Йәйғор” балалар ижады үҙәгенән Нина Чернова Санкт-Петербургта үткән “Йөрәгемде балаларға бирәм” Бөтә Рәсәй өҫтәмә белем биреү педагогтары конкурсында махсус дипломға лайыҡ булды. Ул «Профессионализм өсөн»  номинацияһында билдәләнде.

Хәтерегеҙгә төшөрәбеҙ, ижади ярышта ҡатнашыу өсөн төньяҡ баш ҡалаға Рәсәйҙең 46 төбәгенән 80-дән ашыу педагог йыйылғайны.

“Йөрәгемде балаларға бирәм” – ул үҙен балаларҙың ижади һәләтен үҫтереүгә арнаған, балалар ижады һарайҙарында, йорттарында, үҙәктәрендә, йәш техниктар, туристар станцияларында, спорт мәктәптәрендә эшләгән педагогтар конкурсы.