9 декабрь, Йома

22 ғинуар 2010 йыл, 16:11

Милли мәғарифты үҫтереү концепцияһы раҫланды

автор: БР Президентының матбуғат хеҙмәте

Милли мәғарифты камиллаштырыу һәм артабан үҫтереү маҡсаттарында, Башҡортостан Республикаһы Президенты Мортаза Рәхимов үҙ Указы менән Башҡортостан Республикаһында Милли мәғарифты үҫтереү концепцияһын раҫланы.

Указға ярашлы, Башҡортостан Республикаһы Хөкүмәтенә өс ай эсендә Концепцияның өҫтөнлөклө йүнәлештәрен тормошҡа ашырыу буйынса саралар планы эшләргә һәм раҫларға, үҙ норматив хоҡуҡи акттарын ошо Указға ярашлы килтерергә ҡушылды.

Милли мәғарифты үҫтереү концепцияһы Рәсәй Федерацияһының Милли мәғариф сәйәсәте концепцияһын, Рәсәй Федерацияһы Президенты тәҡдим иткән “Беҙҙең яңы мәктәп” белем биреү инициативаһын, дөйөм башланғыс белемдең федераль дәүләт мәғариф стандартын иҫәпкә алып эшләнде.