3 декабрь, Шәмбе

15 ғинуар 2010 йыл, 10:25

Бюллетень буйынса максималь түләү суммаһы – айына 34 583 һум

автор: Лилия Тыртышная

2010 йылдың 1 ғинуарынан дауахананан бирелгән бюллетень ҡағыҙҙары буйынса түләүҙәрҙе сикләүҙәр үҙгәртелде.

Социаль страховкалау фондының төбәк бүлексәһе матбуғат хеҙмәтенән хәбәр итеүҙәренсә, ваҡытлыса эшкә һәләтлелекте юғалтҡан осраҡта эш хаҡын компенсациялау күләме хәҙер йылына иң күбе 415 мең һум сумманан сығып билдәләнәсәк.

Биш йылға тиклем страховка стажы булғанда тулы календарь ай өсөн “бюллетень” түләүҙәре күләме уртаса эш хаҡының 60 процентын тәшкил итәсәк, әммә максималь түләү суммаһы 20 750 һум менән сикләнәсәк. Страховка стажы биш йылдан һигеҙ йылға тиклем булғанда максималь түләү күләме — 27 666 һум (уртаса эш хаҡының 80 проценты). Страховка стажы һигеҙ йылдан ашһа — айына 34 583 һум (уртаса эш хаҡының 100 проценты).