9 декабрь, Йома

14 ғинуар 2010 йыл, 17:32

“Йәшел аҙна-2010” Халыҡ-ара күргәҙмәһендә Башҡортостан делегацияһы

автор: Юлай Мәғсүмов

2010 йылдың 14 ғинуарынан 17-һенә тиклем БР ауыл хужалығы министры урынбаҫары Рәмил Нуриәхмәтов етәкселегендәге Башҡортостан Республикаһы делегацияһы йыл һайын ГФР-ҙың баш ҡалаһында үткәрелгән "Йәшел аҙна  — 2010" Халыҡ-ара күргәҙмәһе эшендә ҡатнаша.

Күргәҙмә традицион рәүештә агросәнәғәт производствоһы, фән һәм техника үҫешендәге ҡаҙаныштар смотры, конференциялар һәм түңәрәк өҫтәлдәр үткәреү, эшлекле бәйләнештәр урынлаштырыу урыны булып тора.

БР Сәнәғәт һәм тышҡы иҡтисади бәйләнештәр министрлығы матбуғат хеҙмәтенән хәбәр итеүҙәренсә, Рәсәй экспозицияһы сиктәрендә Башҡортостан Республикаһы стенды ҡуйылған, унда Башҡортостан агросәнәғәт комплексы продукцияһы тәҡдим ителә.

Башҡортостан Республикаһы делегацияһы составына шулай уҡ Бөрө районы хакимиәте башлығы Николай Хорошилов, "Башспирт" асыҡ акционерҙар йәмғиәте генераль директоры Николай Князев һәм башҡа эшлекле даирәләр вәкилдәре инә.