Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.36 ↑

EUR 69.71 ↓

19 август, Шәмбе

Уфа   °

1 ғинуарҙан араҡының минималь хаҡы - 0,5 литрына 89 һум

Иҡтисад

Алкоголь баҙарын көйләүсе федераль хеҙмәт берәмләп һатыуҙа араҡы хаҡының минималь күләмен билдәләне. Беренсе ғинуарҙан Рәсәй Федерацияһында етештерелгән һәм уның биләмәһенә индерелгән араҡының хаҡы 0,5 литрына 89 һумдан кәм булмаҫҡа тейеш. Башҡа төрлө һыйышлыҡтағы һауыттарға ҡойолған араҡы хаҡы минималь хаҡҡа пропорциональ рәүештә иҫәпләп сығарыла.  

— Башҡортостандың алкоголь баҙарына был сараның йоғонтоһо булмай, — тине Ҡулланыусылар хоҡуғын яҡлау һәм алкоголь продукцияһы әйләнешен һәм сифатын контролләү идаралығы начальнигы Айбулат Хәйбуллин.  — Республика селтәрендә хаҡы минималь күләмдән түбән булған араҡы юҡ. Кәштәләргә контрафакт продукция эләкмәһен өсөн республика етәкселеге алкоголь баҙарын ныҡлы күҙәтеү аҫтында тота. Бигерәк тә Башҡортостанда сифатлы алкоголь продукцияһын етештереүсе етди “Башспирт” предприятиеһы булғанда.

Шул уҡ мәлдә Рәсәй өсөн был сараның бик кәрәкле булыуын да һыҙыҡ өҫтөнә алды ведомство етәксеһе. Күрше өлкәләрҙә сауҙа нөктәләрендә контрафактлы сифатһыҙ алкоголде реализациялау мәсьәләһе бик киҫкен тора.

Законға ярашлы, араҡыға билдәләнгән минималь хаҡты төшөргәндәр административ яуаплылыҡҡа тарттырыласаҡ. Вазифа биләүселәргә — илле мең һум (йәки өс йылға дисквалификацияланыу), юридик шәхестәргә йөҙ мең һум күләмендә штраф билдәләнгән.

Яндекс цитирования
Рейтинг ресурсов "УралWeb"
закрыть