9 декабрь, Йома

13 ғинуар 2010 йыл, 15:20

Өфөнөң Ферин урамында яңы хоккей ҡумтаһы

автор: Дмитрий Слезин

15 ғинуарҙа Өфөлә Ферин урамында реконструкцияланған хоккей ҡумтаһы асыласаҡ.

Уны асыу тантанаһында «Салауат Юлаев» хоккей командаһының баш тренеры Вячеслав Быков һәм команда тренеры Игорь Захаркин, Башҡортостан Республикаһы Дәүләт Йыйылышы — Ҡоролтай депутаттары Александр Артюхов һәм Виктор Чижиков, Өфөнөң Калинин районы һәм ҡаланың Ижтимағи үҫеш фонды вәкилдәре ҡатнашасаҡ.

2009 йылдың октябренән алып ҡаланың Ижтимағи үҫеш фонды баш ҡаланы мәҙәни үҫтереү сиктәрендә был проектҡа ярҙам күрһәтте.

ДОК һәм Инорс биҫтәләрендә йәшәүсе инициативалы кешеләр төркөмө проектты тормошҡа ашырыу буйынса ҙур эш башҡарҙы: ихата халҡы средстволарына яңы хоккей ҡумтаһы ҡуйылды, ут үткәрелде һәм прожекторҙар урынлаштырылды, майҙансыҡ тигеҙләнде, ҡумтаның борттары буяп ҡуйылды. Ҡаланың Ижтимағи үҫеш фонды һыу һиптереү өсөн шланг, кәртәләп алыу өсөн селтәр менән тәьмин итте.