7 декабрь, Шаршамбы

12 ғинуар 2010 йыл, 15:04

Ужымға һыуыҡ янамай

автор: Ғәлиә Нәбиева

Быйылғы ҡышҡы һыуыҡ ужым культураларына янамай, тип ышандырҙы Башҡортостан ауыл хужалығы министрлығының прогрессив технологиялар һәм мелиорация бүлеге баш агрономыТаһирйән Мөхәмәтзиев.

Декабрҙәге тәүге һыуыҡтар агрономия хеҙмәткәрҙәрен бер аҙ хәүефләндергәйне. Ул ваҡытта ҡар ҡатламының ҡалын булмауы арҡаһында әсе һыуыҡ шытымдарҙы һәләк итә ала ине. Әммә Яңы йыл алдынан үткәрелгән тикшереүҙәр аграрийҙарҙы тынысландырҙы. Ужым шытымдары һәйбәт һаҡланған.

Әлеге ваҡытта башҡорт хеҙмәтсәндәренең страховка фондын өшөүҙән йомшаҡ ҡарлы юрған һаҡлай.

Керәшен һыуыҡтарынан һуң белгестәр үҫтереп ҡарау өсөн монолиттар һайлап аласаҡ, һәм агрономдар сәсеүҙең ниндәй торошта булыуына февралдә үк һығымта бирмәксе.

Республикала бөтәһе 568 мең гектар майҙанға ужым сәселгән, 15 мең гектарында — тритикале, майҙандың ҡалған өлөшө ужымға бирелгән.