8 декабрь, Кесе йома

11 ғинуар 2010 йыл, 16:57

Республикала депутатлыҡҡа 200 кандидат теркәлгән

автор: Марина Шумилова

БР Үҙәк һайлау комиссияһы хәбәр итеүенсә, 2010 йылдың 9 ғинуарына ҡарата 14 мартта үтәсәк һайлауҙарға депутатлыҡҡа 207 кандидат теркәлгән, шуларҙың 122-һе – сәйәси паритяларҙан (шул иҫәптән “Берҙәм Рәсәй”ҙән – 72, КПРФ – 14, ЛДПР — 12), үҙҙәрен үҙҙәре күрһәткәндәр – 85 кеше. Территориаль һайлау комиссиялары депутат мандатына дәғүә итеүселәрҙән 193 кандидатты теркәгән.

БР Үҙәк һайлау комиссияһы һайлауҙарҙы әҙерләү һәм үткәреү эше һайлау ҡануниәте талаптарына ярашлы башҡарыласаҡ, тип белдерә.

Белешмә өсөн, 14 мартта Башҡортостанда 59 һайлау кампанияһы үтәсәк, уның барышында 72 депутат мандаты алмаштырыласаҡ. Улар иҫәбендә — Төньяҡ (N33), Көньяҡ (N49) һәм Мәләүез (N50) кеүек бер мандатлы һайлау округтары буйынса Дәүләт Йыйылышы – Ҡоролтайға өҫтәмә һайлауҙар үтеүе ҡаралған, шулай уҡ Салауат, Сибай, Ишембай, Яңауыл Советтарына һәм бер нисә муниципаль районда өҫтәмә депутаттар һайланасаҡ. Һайлауҙарҙа 203 мең кеше ҡатнашыуы көтөлә.