11 декабрь, Йәкшәмбе

30 декабрь 2009 йыл, 16:23

Башҡортостан һәм Германия экологтары хеҙмәттәшлек тураһында килешеү төҙөнө

автор: Ғәлиә Нәбиева

Башҡортостандың Экологтар союзы менән Германияның төп экологик ойошмаһы – “Һалле һыубаҫар урмандары” (Һалле ҡалаһы) союзы тирә-яҡ мөхитте һаҡлау өлкәһендә хеҙмәттәшлек тураһында килешеүгә ҡул ҡуйҙы.

Өфөлә ҡул ҡуйылған килешеү берлектәге проекттарҙы тормошҡа ашырыуҙы, белгестәр менән партнерҙарса алмашыуҙы күҙ уңында тота. БР Экологтар союзында хәбәр итеүҙәренсә, килешеүгә ярашлы Башҡорт дәүләт университетының тәбиғәтте һаҡлау дружинаһы менән Мартин Лютер исемендәге Галле-Виттенберг университеты студенттары һәм уҡытыусылары араһында тәжрибә уртаҡлашыу ойоштороласаҡ.