8 декабрь, Кесе йома

30 декабрь 2009 йыл, 13:30

Черниковкала торлаҡ кварталдары проектын төҙөү буйынса тыңлауҙар үткәрә

автор: Евгений Рәхимҡолов

Ҡала хакимиәте Өфөнөң Калинин районында Азатлыҡ, Черниковка, Кремль һәм Беренсе Май урамдары менән сикләнгән биләмәне планлаштырыу проекты буйынса тыңлауҙар үткәрәсәк. Өфө ҡала Советы депутаттары  ошондай ҡарар ҡабул итте.

Ҡала хакимиәте башлығының беренсе урынбаҫары Рәшит Сатаров хәбәр итеүенсә, тыңлауҙар кешенең уңайлы тормош шарттарына хоҡуҡтарын күҙәтеү маҡсатында үткәрелә. Ике тораҡ кварталын ҡайтанан планлаштырыу һигеҙ гектар майҙанды солғап ала һәм әлеге ваҡытта унда йәшәүсе 1664 кешенең мәнфәғәттәренә ҡағыла.

Биләмәне планлаштырыу проекты буйынса үҙ тәҡдимдәрен өфөләр ҡала округы Советына бер ай эсендә ебәрә ала. Тыңлауҙар Калинин районы хакимиәтендә 2010 йылдың 27 февралендә үткәреләсәк. Ул 12 сәғәт 30 минутта башланасаҡ.