10 декабрь, Шәмбе

30 декабрь 2009 йыл, 13:13

Бюджет хеҙмәткәрҙәре махсус дауаланыу аласаҡ

автор: Евгений Рәхимҡолов

Башҡортостандың дәүләт учреждениелары белгестәре 2010 йылдың 1 ғинуарынан санаторий-курорттарға бушлай путевкалар менән тәьмин ителәсәк. Путевкалар ғаиләләге йән башына табыш өсләтә йәшәү минимумы күләменән артмаған бюджет өлкәһе хеҙмәткәрҙәренә биреләсәк. Ярашлы ҡарарға 25 декабрҙә БР Хөкүмәте Премьер-министры Раил Сарбаев ҡул ҡуйҙы.

Путевкалар хеҙмәткәрҙәргә өс йылға бер тапҡырҙан йышыраҡ бирелмәйәсәк. Санатор-курорт дауаланыуының оҙайлығы 14 календарь көн тәшкил итәсәк. Дауалау республика бюджетынан финансланасаҡ.

БР Профсоюздар федерацияһының матбуғат үҙәгенән хәбәр итеүҙәренсә, әлеге ваҡытта республика ҡалаларында һәм райондарында муниципаль учреждениелар белгестәрен санатор-курорт дауалау менән тәьмин итеү буйынса ошондай норматив акттар әҙерләү тураһында мәсьәлә хәл ителә.