10 декабрь, Шәмбе

29 декабрь 2009 йыл, 16:25

Байрамдарҙа өҫтәмә поездарҙа 50 процентлы ташламалар иғлан ителгән

автор: Любовь Колоколова

Куйбышев тимер юлы Яңы йыл байрамдары һәм ҡышҡы каникул ваҡытына өҫтәмә поездарҙың купе вагондарында йөрөүгә 50 процентлы ташламалар билдәләй.

Куйбышев тимер юлының йәмәғәтселек менән бәйләнештәр хеҙмәтенән хәбәр итеүҙәренсә, 23 декабрҙән алып киләһе йылдың 13 ғинуарына тиклем алыҫҡа йөрөүсе поездарҙың купе вагондарында ярты хаҡҡа сәйәхәткә сығырға мөмкин.

Шулай итеп, ташламаны иҫәпкә алғанда, купе һәм СВ вагондарына билет хаҡы плацкарт вагондағына тиңләшә.  

Куйбышев магистраленең Башҡортостан бүлегенә килгәндә иһә, ташламалар менән 123-сө, 239-сы һанлы “Өфө — Мәскәү”, 240-сы, 356-сы һанлы “Мәскәү — Өфө” өҫтәмә поездарында ҡулланырға була.

Ташламалы билетты тимер юл кассаларында, шулай уҡ интернет аша ла һатып алырға мөмкин.