11 декабрь, Йәкшәмбе

25 декабрь 2009 йыл, 12:30

Яңы йылда Милли йәштәр театры өс премьера күрһәтәсәк

автор: Әлфиә Әһлиуллина

Мостай Кәрим исемендәге Милли йәштәр театры өс яңы спектакль әҙерләй. Яңы йылда улар тамаша хөкөмөнә сығасаҡ.

Премьераларҙың береһе – “Ромео һәм Джульетта” трагедияһы. Шекспирҙың мөхәббәт тарихын башҡорт вариантында ҡуйыуға режиссер Илнур Муллабаев йөрьәт итте.

Бер үк ваҡытта Милли йәштәр театры тағы бер премьера өҫтөндә эш алып бара – изгелек һәм яуызлыҡ, дуҫлыҡ һәм хыянат тураһындағы “Ҡоштар ығы-зығыһы”  балалар әкиәте. Сюжет авторы – билдәле драматург Сәрүәр Сурина.

Өсөнсө премьераны рус труппаһы әҙерләй. Режиссер Мөсәлим Ҡолбаев ҡуйған “Фигароның өйләнеүе” спектаклен тамашасы театр сәхнәһендә тиҙҙән күрәсәк.  

темалар: театр,премьера