8 декабрь, Кесе йома

25 декабрь 2009 йыл, 10:20

Тағы 35 кеше махсус автомобилдәр алды

автор: Елена Макушина

Яңы йыл алдынан Өфөлә Рәсәй Федерацияһының Социаль страховкалау фонды средстволары иҫәбенә 35 инвалид махсус автомобилдәр алды.

Рәсәй Федерацияһы Социаль страховкалау фондының Башҡортостан Республикаһы буйынса төбәк бүлексәһендә өр-яңы бишенсе модель «Жигули»ҙарҙы декабрь башында уҡ тапшыра башланылар.

— Яңы автомобиль алыу — беҙҙең, инвалидтар, өсөн Яңы йыл алдынан бик ҙур бүләк. Яңы йылдың матур сюрприздарҙан башланыуына бик шатмын, тимәк, бөтә йыл беҙҙең өсөн уңышлы буласаҡ. Республикабыҙ һәм Фондтың төбәк бүлексәһе етәкселеге производствола бәхетһеҙлек осрағынан һәм профессиональ ауырыуҙарҙан зыян күргән кешеләр техник реабилитациялау саралары, яҡшы автомобилдәр менән ваҡытында тәьмин ителһен һәм үҙҙәрен лайыҡлы тойһон өсөн бик күп эшләүен билдәләп үтергә теләйем, — тине Йылайыр районынан Ҡаһарман Солтанов.

РФ Социаль страховкалау фондының БР буйынса төбәк бүлексәһе идарасыһы Марат Латипов билдәләүенсә, 2001 йылдан республикала производствола бәхетһеҙлек осраҡтарынан һәм профессиональ ауырыуҙар эҙемтәһендә зыян күреүселәргә 715-тән ашыу махсус автомашина тапшырылған.