10 декабрь, Шәмбе

24 декабрь 2009 йыл, 17:51

Марат Мәһәҙиев: республикала ғәҙәттән тыш хәлдәр булманы

автор: Елена Макушина | фото: Олег Яровиков

Үткән йыл ил өсөн хәүефле техноген авариялар, тәбиғәт фажиғәләре менән ауырға тура килһә лә, Башҡортостанда социаль мәғәнәгә эйә булған ғәҙәттән тыш хәлдәр булманы. Был турала “Башинформ” агентлығының матбуғат конференцияһында Башҡортостан Республикаһының Ғәҙәттән тыш хәлдәр министрлығы етәксеһе Марат Мәһәҙиев хәбәр итте. Уның һүҙҙәренә ҡарағанда, яҙғы ташҡын осорондағы хәлдәр, урмандағы янғындар контролгә алынған. Быйыл янғын һәм үлем осраҡтары иҫәбе бер аҙға кәмегән.

2009 йылда республикала бөтәһе 4665 янғын сығыуы теркәлә, 335 кеше һәләк була, шуларҙың 18-е бала, 345 кеше тән йәрәхәттәре ала.

Алдағы оҙайлы Яңы йыл каникулдары менән бәйле, белгестәр ут сығыу һәм янғын ҡорбандары һаны артыу ихтималлығын күҙаллай.