8 декабрь, Кесе йома

16 декабрь 2009 йыл, 17:52

Дүртөйлөләр һөттө ультрапастеризациялау технологияһын үҙләштерҙе

автор: Эльвира Латипова

БР Хөкүмәте Премьер-министры Раил Сарбаев Дүртөйлө һөт продукттары комбинатында ультрапастеризацияланған һөт етештереү буйынса яңы цехтың эше менән танышты.

Яңы производствоны ойоштороуға 50 миллион һум аҡса һалынды. Предприятие директоры Рәйес Ғәлиев хәбәр итеүенсә, ультрапастеризациялау сеймалды 139 градус температурала эшкәртеүҙе аңлата. Бындай һөт ярты йыл буйына яҡшы сифатлы көйөнсә һаҡланасаҡ.

2009 йылда Дүртөйлө комбинатында бөтәһе 40 мең тонна һөт эшкәртеләсәк. Бында ҡоро майһыҙландырылған һөт, төрлө ҡуйылыҡтағы аҡ май һәм башҡа продукттар етештерәләр.

Бер нисә йыл элек комбинат сифат менеджменты системаһының ИСО халыҡ-ара стандарттарына тап килеү сертификаты алғайны. Шулай уҡ етештереү процесының ХАССП стандарттарына тап килеүе лә раҫланды.