10 декабрь, Шәмбе

15 декабрь 2009 йыл, 14:43

Һыуыҡ көндәрҙә республика уҡыусыларына мәктәпкә бармаҫҡа ла мөмкин

автор: Эльмира Сабирова

Һыуыҡ көндәрҙә республиканың дөйөм белем биреү мәктәптәре уҡыусыларына дәрескә бармаҫҡа ла мөмкин.

Башланғыс синыф уҡыусыларына 25 градус һыуыҡ булғанда, ҡалғандарға -30 градус температурала мәктәпкә бармаҫҡа рөхсәт ителә.

Был ваҡытта бөтә белем биреү учреждениелары — мәктәптәр һәм балалар баҡсалары — эшләүен дауам итә.

— Әгәр мәктәп йорт менән йәнәшә икән, һәм ата-әсәләр үҙ балаһын уҡырға ебәрергә теләһә, рәхим итһендәр. Уҡыусылар килһә, дәрестәр үткәреләсәк, — тип хәбәр итте БР мәғариф министры урынбаҫары Владимир Аристархов.  

Башгидромет мәғлүмәттәренә ҡарағанда, аҙна аҙағына тиклем көндәр һалҡын торасаҡ. Синоптиктар күҙаллауынса, көндөҙ һауа температураһы — 26-28 градус, төнөн 30-32 градусҡа тиклем һыуыҡ буласаҡ.

темалар: мәғариф