10 декабрь, Шәмбе

11 декабрь 2009 йыл, 16:35

Шәмбе аяҙ һәм һалҡын буласаҡ, йәкшәмбе ҡар яуыуы көтөлә

автор: Ғәлиә Нәбиева

Башҡортостанда тотороҡло һалҡын көндәр башланды. Башгидромет үҙәге мәғлүмәттәренә ҡарағанда, алдағы көндәрҙә һауа торошо артыҡ үҙгәрмәйәсәк. Иртәгә яуым-төшөмһөҙ, аяҙ, ҡояшлы көн көтөлә. Көндөҙ термометрҙар минус 13 градус күрһәтәсәк, төндә 16 градусҡа тиклем һыуытасаҡ. Йәкшәмбе минус 8 градусҡа тиклем йылытасаҡ, ә көндөң икенсе яртыһында күңелдәрегеҙҙе сафландырып, йомшаҡ ҡар яуасаҡ.

Яңы эш аҙнаһы башында ҡар яуыуы дауам итәсәк, ә дүшәмбе кис синоптиктар көндөң һалҡынайтыуын күҙаллай.

темалар: һауа торошо