10 декабрь, Шәмбе

11 декабрь 2009 йыл, 15:22

30 кеше махсус автомашиналарҙан асҡыс алды

автор: Елена Макушина

Производствола бәхетһеҙлек осрағынан имгәнгән кешеләргә яңы махсуслаштырылған автомобилдәрҙән асҡыстар тапшырылды. Транспорт саралары РФ Социаль страховкалау фонды иҫәбенә бирелде.

РФ Социаль страховкалау фонданың Башҡортостан Республикаһы буйынса төбәк бүлексәһе тарафынан ойошторолған ВАЗ-2105 махсус автомобилдәрен тапшырыу тантанаһы «Өфө-АвтоВАЗ» автоүҙәге базаһында үтте. Махсус автомашиналар асҡыстары республиканың төрлө мөйөштәренән 30 инвалидҡа тапшырылды. Әйткәндәй, һаулығындағы сикләүҙәргә ҡарамаҫтан, уларҙың күптәре тулы ҡанлы тормош алып бара.

Мәҫәлән, Надир Нурҡаев үҙенең яңы машинаһында республика инвалидтары араһында үткәрелгән спорт ярыштарына, туристик слеттарға барырға планлаштыра.

РФ Социаль страховкалау фондының БР буйынса төбәк бүлексәһе идарасыһы Марат Латиповтың һүҙҙәренә ҡарағанда, йыл аҙағына тиклем ошондай махсус автомашиналар менән производствола бәхетһеҙлек осрағынан һәм профессиональ сир эҙемтәһендә имгәнгән тағы 35 кеше тәьмин ителәсәк.