9 декабрь, Йома

10 декабрь 2009 йыл, 12:11

Башҡортостан каратистары Туланан наградалар килтерҙе

автор: Дмитрий Слезин

Тулала малайҙар һәм ҡыҙҙар араһында каратэ буйынса Рәсәй беренселеге үтте.

Ярыштарҙа 14-15, 16-17 һәм 18-20 йәшлек спортсылар ҡатнашты.

Башҡортостан Республикаһының йыйылма командаһы миҙалдары менән маҡтана ала. Максим Пышкин (14-15 йәшлектәр төркөмө) ил беренселегендә еңеүсе булды. Ошо уҡ йәш категорияһында өсөнсө урынды Учалынан каратист Регина Түләкова яуланы.

18-20 йәшлектәр араһында сығыш яһаусы Иванна Зайцева – икенсе урын, ә Виктор Петров өсөнсө урын алды.

Максим Пышкин менән Иванна Зайцева каратэ буйынса Европа беренселегендә (февраль-2010, Төркиә) ҡатнашыу өсөн йыйылма команда составына алынды.

темалар: каратэ