9 декабрь, Йома

03 декабрь 2009 йыл, 12:22

Салауатта сәнәғәт предприятиеларының эшенә йомғаҡ яһала

автор: Эльвира Латипова, Юлай Мәғсүмов

Бөгөн Салауат ҡалаһында БР Хөкүмәте Премьер-министры Раил Сарбаев рәйеслегендә Башҡортостан Республикаһы Үҙәк һәм Көньяҡ иҡтисади райондарының муниципаль райондары һәм ҡала округтарының социаль-иҡтисади үҫеше мәсьәләләре буйынса кәңәшмә үткәрелә.

Был ике иҡтисади зонаға 14 район һәм 3 ҡала инә. Бында төп сәнәғәт предприятиелары: «Сода», «Каустик», «Салауатнефтеоргсинтез» акционерҙар йәмғиәттәре, «Күмертау авиация-сәнәғәт берекмәһе» федераль дәүләт унитар предприятиеһы һәм башҡалар урынлашҡан.

Кәңәшмәлә Хөкүмәт ағзалары, ҡала һәм район хакимиәттәре башлыҡтары, төбәктең ҙур предприятиелары етәкселәре ҡатнаша. Көн тәртибендә бер нисә мәсьәлә –сәнәғәт предприятиелары эшмәкәрлегенә йомғаҡ яһау, төҙөлөш комплексы проблемалары, ауыл хужалығы тауарҙары етештереүселәрҙең эше, хеҙмәтте һаҡлау, хоҡуҡ тәртибен боҙоуҙарҙы һәм енәйәтселекте иҫкәртеү.