10 декабрь, Шәмбе

02 декабрь 2009 йыл, 15:20

Башҡортостанда “Минең Мостай Кәрим” балалар конкурсы тамамланды

автор: Лия Нәғимова

Мөмкинлектәре сикләнгән балалар араһында үткәрелгән “Минең Мостай Кәрим” республика ижади конкурсы тамамланды. Был сараны  Республика һуҡырҙар өсөн махсус китапханаһы ойошторҙо.

Республика һуҡырҙар өсөн махсус китапханаһы  был конкурсты насар күргән һәм һуҡыр балалар өсөн дүртенсе тапҡып үткәрә һәм  традиция буйынса Халыҡ-ара инвалидтар көнөндә, 3 декабрь,  уны йомғаҡлау өсөн  республиканың бөтә төбәктәренән балаларҙы саҡыра. Быйылғы ижади бәйге Башҡортостандың халыҡ шағиры Мостай Кәримдең тыуыуына 90 йыл тулыуына арналды.

Ижади бәйге ике этапта үтте: тәүҙә ҡала һәм райондарҙың балалар китапханалары нигеҙендә, һуңынан республика кимәлендә. Икенсе турға балығы 75 эш һайлап алынды. Конкурста ҡатнашыусы 69 баланың 12-һе  төрлө номинацияларҙа еңеүсе тип танылды.

темалар: Конкурстар