11 декабрь, Йәкшәмбе

01 декабрь 2009 йыл, 17:02

Дәүләт автоинспекцияһы юл хәрәкәтендә ҡатнашыусыларҙы иғтибарлы булырға саҡыра

автор: Елена Макушина

Башҡортостан Республикаһы дәүләт автоинспекцияһы юл хәрәкәтендә ҡатнашыусыларҙың барыһына ла йонсоу көндәрҙә юлда, бигерәк тә ҡараңғы төшкәс, айырыуса иғтибарлы булырға үтенеп мөрәжәғәт итә. Йәйәүлеләргә юл аша яҡтыртылған урындарҙа ғына сығырға, асыҡ төҫтәге йәки яҡтылыҡты сағылдырыусы өҫкө кейем кейергә тәҡдим ителә. Водителдәргә тиҙлеген кәметергә, юлда йәйәүлеләр килеп сығыуына әҙер булырға кәңәш итәләр.

Синоптиктар мәғлүмәттәренә ҡарағанда, бөгөн республикала һәм Өфөлә ҡар ҡатыш ямғыр яуыуы көтөлә.

“Еүеш асфальтта транспорт сараһы тәгәрмәстәренең тартыу сифаты насарайыу ғына түгел, шулай уҡ көҙгө эффекты барлыҡҡа килә, фаралар, урамдағы лампалар яҡтыһы сағыла, был юлдағы шарттарҙы дөрөҫ баһалауҙы ҡыйынлаштыра”, – тип билдәләнеләр БР буйынса Эске эштәр министрлығының ЮХХДИ матбуғат хеҙмәтендә.