4 декабрь, Йәкшәмбе

01 декабрь 2009 йыл, 15:28

Өфөлә тарихи байрам кисәһендә көҙҙө оҙаттылар

автор: Эльвира Латипова

Баш ҡаланың Офицерҙар йортонда үткән сираттағы тарихи байрам кисәһендә өфөлөләрҙән тыш, Силәбе һәм Златоуст ҡалаларынан да элекке заманды  хуш итеүселәр ҡатнашты.

Ун дүртенсе тапҡыр үткәрелгән тарихи балдың ойоштороусылары  “Ренессанс” тарихи бейеүҙәрҙе тергеҙеү студияһы һәм Өфө ҡалаһы Киров районының “Йәшлек” үҫмерҙәр клубы.

Тарихи бал – XIX быуат стилендә үткәрелгән бейеү кисәһе. Бында йәштәр “Ренессанс” студияһында алған белемдәрен күрһәтә: матур һәм оҫта итеп бороңғо бейеүҙәрҙе – полонезды, вальсты, мазурканы, польканы, контрдансты – башҡара. Зауыҡлы күлдәктәр һәм костюмдар был кисәлә сихри һәм мөғжизәле атмосфера тыуҙыра.

Балдың тематикаһы – көҙҙө оҙатып, ҡышты ҡаршылау.

темалар: Йәштәр