10 декабрь, Шәмбе

30 ноябрь 2009 йыл, 14:01

Башҡортостандың социаль картаһында пенсия ҡушымтаһы эшләй башлаясаҡ

автор: Ғәлиә Нәбиева

БР Хөкүмәте һәм РФ Пенсия фонды араһындағы Килешеүгә ярашлы, Башҡортостан буйынса РФ Пенсия фонды бүлексәһе Башҡортостандың  социаль картаһында пенсия ҡушымтаһын әүҙемләштерәсәк.

БР буйынса РФ Пенсия фонды бүлексәһенең матбуғат хеҙмәтендә хәбәр итеүҙәренсә, социаль картаның хужаһы, Пенсия фонды бүлексәһенә бармай ғына, пенсия страховкаһы системаһында шәхси лицевой иҫәптең торошон үҙаллы тикшерә ала.

Пенсия ҡушымтаһы мәғлүмәте менән ҡулланыу өсөн, йәшәгән  урында  халыҡты социаль яҡлау идаралыҡтарында социаль карта алыу өсөн анкета–заявка тултырғанда, тейешле ғариза бирергә кәрәк. БР Хеҙмәт һәм халыҡты социаль яҡлау министрлығының территориаль органы социаль картаны Пенсия фонды идаралыҡтарына тапшырғандан һуң пенсия ҡушымтаһы әүҙемләштерелә.

Социаль картаның функциялары пенсия ҡушымтаһы менән генә сикләнмәгән. Унан башҡа һалым, транспорт, банкылар, медицина һәм башҡа ҡушымталар эшләйәсәк.

темалар: Социаль яҡлау