9 декабрь, Йома

26 ноябрь 2009 йыл, 15:23

Өфөлә авторҙар сәнғәте күргәҙмәһе асыла

автор: Лия Нәғимова

28 ноябрь баш ҡаланың  сауҙа үҙәктәренең береһендә “Бөтә донья хендмейд” авторҙар сәнғәте  күргәҙмәһе асыла. Экспозицияла – ғәҙәти булмаған биҙәүес һәм аксессуарҙар, открыткалар һәм альбомдар, һабын һәм ҡулдан эшләнгән ҡурсаҡтар, кейеҙ һәм сәскәләрҙән эшләнгән изделиелар.

Күргәҙмәлә  “hand-made” техникаһында эшләгән 30-ға яҡын  иң яҡшы танылған оҫталар ҡатнашасаҡ. Уларҙың күптәренең эштәре республикала ғына түгел,Рәсәйҙең күп ҡалаларында һәм сит илдәрҙә оло һорау менән ҡуллана.

– Беҙ өфөлөләрҙе “hand-made” техникаһының сағыу һәм үҙенсәлекле мәҙәниәте менән таныштырғыбыҙ килә, — ти ойоштороусыларҙың береһе Лилия Завадская . – Беҙ был күргәҙмәнең  Өфөлә  масштаблы  “hand-made”  фестиваль хәрәкәтенә юл һалыр тип өмөтләнәбеҙ.

темалар: Күргәҙмәләр