10 декабрь, Шәмбе

25 ноябрь 2009 йыл, 11:00

“Өфө” Халыҡ-ара аэропорты Башҡортостан милекселегенә тапшырылды

автор: Любовь Колоколова

Рәсәй Президенты Дмитрий Медведев “Өфө” Халыҡ-ара аэропорты” асыҡ акционерҙар йәмғиәтенең федераль милекселектә булған 100 процент акцияларын тулыһынса Башҡортостан милекселегенә тапшырырға бойорҙо.

Милексене алмаштырыу маҡсаты — "Өфө" аэропортын комплекслы реконструкциялауға инвестициялар йәлеп итеү, тип хәбәр итә РФ Президентының матбуғат хеҙмәте.

Башҡортостан Республикаһы Хөкүмәте, республика маҡсатлы программаһына ярашлы, дәүләт-шәхси партнерлыҡ шарттарында “Өфө” аэропортының авиатранспорт инфраструктураһы объекттарын комплекслы реконструкциялауға һәм модернизациялауға, аэровокзал комплексын реконструкциялауҙы ла индереп, кәмендә 24,7 миллиард һум күләмендә инвестициялар йәлеп итәсәк.