9 декабрь, Йома

24 ноябрь 2009 йыл, 17:22

“Каустик” асыҡ акционерҙар йәмғиәте намыҫлы тәьмин итеүселәр федераль реестрына индерелде

автор: Эльвира Латипова

Стәрлетмаҡ “Каустик” асыҡ акционерҙар йәмғиәте намыҫлы тәьмин итеүселәр  федераль реестрына индерелде һәм предприятиеның продукцияһы дәүләт стандарттары талаптарына ярашлы булыуын раҫлаусы  сертификат алды.

Бындай  сертификат  бер йылға  бирелә. Ул  ойошманың тендерҙарҙа ҡатнаша алыуын һәм дәүләт заказының ышаныслы һәм һөҙөмтәле  башҡарыусыһы икәнлеген раҫлай. Компания “Намыҫлы тәьмин итеүсе” билдәһен реклама һәм мәғлүмәт материалдарында  файҙалана ала.

Башҡорт компанияһының ышаныслы тәьмин итеүсеһе булыуын уның продукцияһын  даими ҡулланыусы “Каменск сүсе” асыҡ акционерҙар йәмғиәте (Каменск –Шахта), Кемеров ҡалаһынан “Азот” асыҡ  акционерҙар йәмғиәте һәм башҡалар раҫлай.

темалар: Сәнәғәт