4 декабрь, Йәкшәмбе

24 ноябрь 2009 йыл, 16:27

“Өфө” халыҡ-ара аэропорты хеҙмәткәрҙәре квалификацияһын күтәрә

автор: Любовь Колоколова

“Өфө” Халыҡ-ара аэропорты” асыҡ акционерҙар йәмғиәтендә хеҙмәтсәндәрҙең квалификацияһын күтәреү буйынса сираттағы курстар үткәрелде. Был юлы предприятиеның пассажирҙар ташыуҙы ойоштороу хеҙмәте һәм диспетчер хеҙмәте белгестәре уҡыны.

Занятиеларҙы  Урал граждандар авиацияһы уҡыу үҙәге уҡытыусылары үткәрҙе, уның менән “Өфө” аэропорты алтынсы йыл хеҙмәттәшлек итә.

Аэропорттың матбуғат хеҙмәтенән хәбәр итеүҙәренсә, уҡытыу һығылмалы график буйынса, производствонан айырмайынса ойошторолдо, шуға күрә лә курстарға туранан-тура рейстарҙы хеҙмәтләндереү менән шөғөлләнеүсе бөтә хеҙмәткәрҙәр ҙә йөрөй алды. Декабрҙә занятиелар дауам иттереләсәк. Уларға башҡа хеҙмәттәр белгестәре саҡырыласаҡ.