10 декабрь, Шәмбе

23 ноябрь 2009 йыл, 11:25

Мортаза Рәхимов Волга буйы федераль округы Советы ултырышында ҡатнашасаҡ

автор: БР Президенты матбуғат хеҙмәте

23 ноябрҙә Һамар ҡалаһында  Башҡортостан Президенты Мортаза Рәхимов Рәсәй Президентының Волга буйы федераль округындағы Тулы хоҡуҡлы вәкиле ҡарамағындағы Совет  ултырышында ҡатнашасаҡ. Ултырышты Рәсәй Президентының Волга буйы федераль округындағы Тулы хоҡуҡлы вәкиле Григорий Рапота үткәрә.

Округ субъекттары етәкселәре  хеҙмәт баҙары үҫеше мәсьәләләрен һәм халыҡтың мәшғүллеген тәьмин итеү  сараларын тикшерәсәк.

Шулай уҡ Совет ултырышында ҡатнашыусылар Волга буйы федераль округының 2020 йылға тиклем осорҙа үҫеш концепцияһын  әҙерләү барышы  һәм Рәсәй Хөкүмәтенә раҫлауға  тәҡдим итеү тураһында мәғлүмәт менән танышасаҡ.

темалар: Президент