6 декабрь, Шишәмбе

20 ноябрь 2009 йыл, 15:22

Мишкә районында яңы мәсет асылды

автор: Евгений Рәхимҡолов

Мишкә районының Уръяҙы ауылында яңы мәсет асылды. Иман йорто ошо районда тыуып үҫкән ағалы-ҡустылы Гәрәевтар ярҙамында төҙөлдө. Хәлимә өләсәләренең  иҫтәлеген мәңгеләштереү өсөн улар торлаҡ йортҡа реконструкция үткәреп, мәсет һала һәм ҡәҙерле кешеләренең исемен бирә.

“Башинформ” агентлығына Мишкә районы хакимиәтенең  мәғлүмәт –аналитика бүлегенән хәбәр итеүҙәренсә, һуңғы йылдарҙа мәсеттәрҙе йышыраҡ урындағы халыҡ күтәрә.

Әлеге мәсетте  асҡан Гәрәевтар бөгөн Уръяҙы ауылында йәшәмәй. Рафаэль Гәрәев бөгөнгө көндә БР Ауыл хужалығы министрлығының “Мәғлүмәт-иҫәпләү үҙәге” асыҡ акционерҙар йәмғиәтендә генераль директор булып эшләй, ә Рәшит Гәрәев  БР Техник инвентаризациялау бюроһының Бөрө район-ара филиалын етәкләй.

темалар: Дин