11 декабрь, Йәкшәмбе

17 ноябрь 2009 йыл, 14:22

ӨДАТУ студенттары программалаштырыу буйынса донъя чемпионаты финалына сыҡты

автор: Эльмира Сабирова

Өфө дәүләт авиация техник университеты студенттары өсөн программалаштырыу буйынса донъя студенттар командаһы чемпионатының ярымфиналы яҡшы һөҙөмтә менән тамамланды.

Вуздың матбуғат үҙәгенән хәбәр итеүҙәренсә, Санкт-Петербургта үткән Төньяҡ-Көнсығыш Европа төбәге ярымфинал ярыштарында Башҡортостанды лайыҡлы күрһәтеп, дүртенсе курс студенттары Дамир Әхмәтйәнов, Дмитрий Марьин һәм бишенсе курс студенты Роман Нефедов 2010 йылдың 1-6 февралендә  Харбинда үтәсәк донъя чемпионаты финалында ҡатнашыуға әҙерләнә. Команда менән ӨДАТУ-ның иҫәпләү математикаһы һәм кибернетика кафедраһы доценты Александр Фридлянд күнекмәләр үткәрә.

Әйтергә кәрәк, был егеттәрҙең бындай мәртәбәле ярышта тәүге тапҡыр ғына еңеүе түгел. 2006 йылда ӨДАТУ студенттары Сан-Антониола үткән (Техас, АҠШ) программалаштырыу буйынса донъя чемпионатының бронза призерҙары булды.

темалар: мәғариф