3 декабрь, Шәмбе

16 ноябрь 2009 йыл, 17:22

Фәйзи Ғәсҡәров исемендәге дәүләт ансамбле гастролдәргә сыға

автор: Әлфиә Әһлиуллина

Башҡортостан Республикаһының  Фәйзи  Ғәсҡәров  исемендәге  дәүләт  академия халыҡ бейеүҙәре ансамбле Рәсәй ҡалалары буйлап гастролдәргә сыға. Бейеү коллективы Ҡазан, Һамар,  Мәскәү ҡалаларында сығыш яһаясаҡ.

Мәскәүҙә  ансамбль баш ҡаланың иң яҡшы сәхнәһендә –  Петр Чайковский исемендәге концерт залында сығыш яһаясаҡ. Программаға күп милләтле Башҡортостандың мәҙәниәтен сағылдырған бейеүҙәр индерелгән.

Был көндө республика бейеүселәрен  юбилей менән Игорь Моисеев исемендәге дәүләт академия халыҡ бейеүҙәре ансамбле, “Березка” дәүләт хореография ансамбле, М.Е.Пятницкий исемендәге дәүләт академия рус халыҡ хоры, А.В. Александров исемендәге Рәсәй Армияһы  йыр һәм бейеү ансамбле  ҡотлаясаҡ.

темалар: Гастролдәр