3 декабрь, Шәмбе

16 ноябрь 2009 йыл, 10:16

Башҡортостан Президенты Шаранда балалар баҡсаһы төҙөлөшөн башланы

автор: Марият Артюхова | фото: Олег Яровиков

Башҡортостан Президенты Мортаза Рәхимов Шаран районында  эш сәфәрендә  Шаран ауылында  буласаҡ  балалар баҡсаһының тәүге нигеҙ ташын һалды. Балалар баҡсаһы 80 урынға иҫәпләнгән һәм киләсәктә мохтаж булыусы ата-әсәләрҙең һорауын ҡәнәғәтләндереүгә булышлыҡ итәсәк. Бөгөн районда балалар баҡсаһында урын алыу өсөн 500 кеше сиратта тора. Балалар учреждениеһы 2010 йылда уҡытыусыларҙың август кәңәшмәһе алдынан файҙаланыуға тапшырылырға тейеш.

Республика Президенты шулай уҡ   Шаранда 1980 йылда асылған  һәм Туймазы, Шаран, Баҡалы,Саҡмағош райондарын хеҙмәтләндереүсе “Газпромтрансгаз” яуаплылығы сикләнгән йәмғиәтенең  магистраль газүткәргестәр производство идаралығында ла булып, урындағы участкалар эше менән танышты.