10 декабрь, Шәмбе

12 ноябрь 2009 йыл, 15:27

Уҡыусылар Бөтә Рәсәй олимпиадаһының муниципаль этабына әҙерләнә

автор: Эльмира Сабирова

18 ноябрҙә республикала Бөтә Рәсәй уҡыусылар олимпиадаһының муниципаль этабы башлана. Унда мәктәптәрҙә үткәрелгән һайлап алыу туры еңеүселәре һәм призерҙары ҡатнашасаҡ. Уҡыусыларҙың эш һөҙөмтәләрен комиссиялар ағзалары баһалаясаҡ. Уларҙың составына предмет буйынса уҡытыусылар, методик берекмәләр етәкселәре, мәғариф идаралыҡтары вәкилдәре инде. Икенсе этап 9 декабрҙә тамамланасаҡ. Ә Бөтә Рәсәй предмет олимпиадаларының төбәк этабы яңы 2010 йылда үтәсәк.

Билдәле булыуынса, Бөтә Рәсәй уҡыусылар олимпиадаһы йыл һайын РФ Мәғариф һәм фән министрлығы менән Мәғариф буйынса федераль агентлыҡ етәкселегендә 20 предмет йүнәлеше буйынса үткәрелә.

Олимпиаданың йомғаҡлау турында еңеүселәр һәм призерҙар олимпиада профиленә ярашлы әҙерлек йүнәлештәре (белгеслектәр)  буйынса уҡытыу өсөн урта һәм юғары профессиональ белем биреү дәүләт һәм муниципаль мәғариф учреждениеларына имтиханһыҙ ҡабул ителә.

темалар: мәғариф