9 декабрь, Йома

12 ноябрь 2009 йыл, 14:58

“Башҡортостандың йәш урмансылары”ойошмаһы съезы үтә

автор: Эльвира Латыпова

Бөгөн Башҡорт дәүләт аграр университетында ”Башҡортостандың йәш урмансылары” Республика йәштәр йәмәғәт ойошмаһының ойоштороу съезы үтә.

БР Урман хужалығы министрлығының матбуғат хеҙмәтенән хәбәр итеүҙәренсә, берекмәнең бурысы – урман хужалығы менән бәйле профессияларҙы популярлаштырыу, балаларҙы республика урмандарын тергеҙеү, тәрбиәләү, һаҡлау һәм яҡлау буйынса эшкә ылыҡтырыу. Йәмәғәт ойошмаһы мәктәп лесничестволары менән бәйләнеш урынлаштырасаҡ – улар Башҡортостанда 218 иҫәпләнә һәм уларҙа 10 меңгә яҡын бала уҡый.

БР Урман хужалығы министрлығы яңы ойошма төҙөү инициативаһын хупланы һәм уға булышлыҡ күрһәтергә әҙер.