Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.75

EUR 63.66

28 май, Йәкшәмбе

Уфа   °

Белорет металлургия комбинаты һәләтле балаға ярҙам итте

Йәмғиәт

«Мечел» компанияһына ингән «Белорет металлургия комбинаты» асыҡ акционерҙар йәмғиәте етәкселеге Үҙән балалар йортонда тәрбиәләнеүсе Николай Васильевҡа Беренсе каналдағы «Умники и умницы» программаһында ҡатнашыу өсөн Мәскәүгә барыуына 60 мең һум күләмендә бағыусылыҡ ярҙамы бүлергә ҡарар итте.

Быйыл февралдә ун беренсе синыф уҡыусыһы Николай Васильев «Умники и умницы» программаһының һайлап алыу турында ҡатнашты. 1 сентябрҙә Үҙән балалар йортона Николайҙы Мәскәүгә «Умники и умницы» интеллектуаль программаһында ҡатнашыу өсөн саҡырып телеграмма килде, уны яҙыу 1-3 декабрҙә үткәрелә. 28 ноябрҙә Николай Мәскәүгә оса, ә 29 ноябрҙә «Умники и умницы» тапшырыуының алыштырғыһыҙ авторы һәм алып барыусыһы Мәскәү дәүләт халыҡ-ара мөнәсәбәттәр институты (МГИМО) профессоры Юрий Вяземский менән осрашасаҡ. Был программаның ун һигеҙ йыллыҡ тарихында тәүге тапҡыр унда балалар йортонда тәрбиәләнеүсе ҡатнашасаҡ.

Белорет металлургия комбинаты Николай Васильевты «Умники и умницы» программаһына ебәреүгә аҡса бүлергә ҡарар итте. “Һәр баланың үҙ ғаиләһе йылыһы һәм хәстәре менән солғап алынған тулы ҡанлы тормошҡа хоҡуғы бар, ләкин, ҡыҙғанысҡа ҡаршы, бөтә балалар ҙа бындай мөмкинлеккә эйә түгел. Беҙ балаларҙы үҙебеҙҙекеләргә һәм ситтәргә айырмайбыҙ. Белорет металлургия комбинаты һәр ваҡыт хәленән килгән тиклем етем һәм ата-әсә ҡарауынан мәхрүм ҡалған балаларға ярҙам күрһәтә. Айырыуса шуны әйтәһем килә: бөгөн аҡыллы һәм инициативалы балаларҙы яҡлап, беҙ үҙебеҙгә иртәгәһе көнгә ышаныс тәьмин итәбеҙ, ә иң мөһиме, балаларға – беҙҙең киләсәгебеҙгә ошондай мөмкинлек бирәбеҙ”, – тип билдәләне “Белорет металлургия комбинаты” асыҡ акционерҙар комбинатының идара итеүсе директоры Виктор Камелин.

Әйткәндәй, предприятие Үҙән балалар йортона беренсе тапҡыр ғына ярҙам итмәй, тип хәбәр иттеләр комбинаттың матбуғат хеҙмәтенән. Күп йылдар инде Белорет металлургия комбинаты унда тәрбиәләнеүселәрҙе Яңы йыл байрамдары менән ҡотлай һәм бөтә балаларға ла тәм-томдар тапшыра, көнкүреш проблемаларын хәл итеүҙә ярҙам күрһәтә.

Теги: хәйриә
Яндекс цитирования
Рейтинг ресурсов "УралWeb" -->
закрыть