8 декабрь, Кесе йома

10 ноябрь 2009 йыл, 17:42

Өфө дарыуханаларына 20 мең битлек килде

автор: Евгений Рәхимҡолов

Өфө халҡын марля битлектәр менән тәьмин итеү мәсьәләһе ыңғай хәл ителә башланы. Грипп эпидемияһы менән бәйле уларға талап ҡырҡа артҡайны.

Мэриялағы кәңәшмәлә ҡала хакимиәте башлығы Павел Качкаев хәбәр итеүенсә, бөгөн ҡала дарыуханаларына тәүге 20 мең марля битлек килде. Иртәгә икенсе партияһы – 30 мең битлек – киләсәк.

Мэрҙың һүҙҙәренә ҡарағанда, республика баш ҡалаһында грипп менән сирләү, дөйөм алғанда, һуңғы көндәрҙә кәмей башланы. Быға, башлыса, ҡаланың белем биреү учреждениеларында индерелгән карантин арҡаһында өлгәшелде.