5 декабрь, Дүшәмбе

10 ноябрь 2009 йыл, 17:19

Шамил Вәхитов: һыуытылған ит баҙарын үҙләштерергә кәрәк

автор: Эльвира Латипова

һыуытылған ит  баҙарын  әүҙем үҙләштерә  башларға  кәрәк – был  турала Өфөлә үткән семинарҙа БР Хөкүмәте премьер– министры  урынбаҫары, ауыл хужалығы министры Шамил Вәхитов  хәбәр итте.

– Мәскәү  ҡалаһында  һыуытылған иттең   бер килограмы 600-1000 һум менән һатыла,– тине Вәхитов.– Республикабыҙ баш ҡалаһында ла һыуытылған ит һатыла. Беҙгә ит баҙарын ентекле өйрәнергә талап ителә. Был продукцияның төп ҡулланыусылары – Мәскәү, Санкт –Петербург һәм  башҡа миллиондан ашыу халыҡ йәшәгән ҡалалар.

Вице-премьер фекеренсә, Башҡортостанда итселек  йүнәлешен үҫтереү өсөн яҡшы шарттар булдырылған. Тармаҡ бюджеттан субсидиялау ярҙамы ала. Башҡортостан өсөн аҙыҡ-түлек баҙарының был өлкәһендә ныҡлы урын яулау – ҡулдан килмәҫлек  эш түгел.