7 декабрь, Шаршамбы

10 ноябрь 2009 йыл, 13:17

Карантин саралары үҙ һөҙөмтәһен бирҙе

автор: Евгений Рәхимҡолов

Өфөлә грипп менән сирләү интенсивлығы кәмей башланы. Был турала мэриялағы кәңәшмәлә ҡала хакимиәте башлығы Павел Качкаев хәбәр итте. Ҡала дауалау учреждениеларына иң күп мөрәжәғәт итеүселәр 5 ноябрҙә теркәлде – 2100 кешегә яҡын. Унан һуңғы көндәрҙә был күрһәткес 1600-1800 кешегә тиклем кәмене, ә 9 ноябргә һөҙөмтәләргә ҡарағанда сирләүселәр һаны 1500 кеше тәшкил итте.

— Ихтимал, грипп менән сирләүҙең кәмеүенә ҡаланың белем биреү учреждениеларында индерелгән карантин йоғонто яһағандыр, — тип иҫәпләй Павел Качкаев. – Нисек кенә булмаһын, беҙ граждандарыбыҙ өсөн сирләү хәүефен мөмкин тиклем кәметеү өсөн мөмкин булғандың барыһын да эшләйәсәкбеҙ.